Hörmətli eloğlular! Saytımızın bu bölümündə Darvazdakı ayrı-ayrı nəsillər haqqında müfəssəl məlumat verəcəyik. Verdiyimiz məlumatın daha dəqiq olması üçün isə həmin nəsillərin nümayəndələrinin köməyinə ehtiyacımız var. Heç şübhəsiz ki, hər nəsildə nəslin tarixini və şəcərəsini bilənlər var. Ən azından bunu yaşlı nəslin nümayəndələri ilə dəqiqləşdirmək olar. Hər nəslin nümayəndəsindən aldığımız və artıq mükəmməl saydığımız məlumatları saytda yerləşdirəcəyik. Gələcəkdə isə bu məlumatlar həm də Darvazla bağlı hazırladığımız kitaba daxil ediləcək. Ona görə də üzümüzü sizlərə tuturuq, əzizi darvazlılar. Öz nəsliniz haqda məlumatları bizə çatdırın ki, biz də onu işləyib sayta yerləşdirək. Kitab işıq üzü görəndən sonra umu-küsü olmasın ki, bizim nəsil haqqında niyə məlumat verilməyib.

Yaxşı olar ki, mümkün qədər nəslin hər fərdinin doğum və dünyasını dəyişənlərin ölüm tarixlərini də qeyd etmək daha yaxşı olardı.

Məlumatın əvvəlcə saytda yerləşdirilməsi həm də imkan verir ki, müəyyən səbəblərdən yol verilmiş yanlışlıqları aradan qaldıraq. Belə ki, internetin imkanları genişdir və ola bilsin ki, haqqında məlumat verilmiş nəslin bu gün Darvazdan və Bakıdan uzaqda yaşayan elə bir nümayəndəsi var ki, öz nəsli haqda hamıdan daha çox məlumatlıdır. Və saytda bu məlumatları oxuduqdan sonra özünün qeydlərini bizə göndərəcək.

Salmanlı haqqında məlumatı Əliyev Kərəm Mehman oğlu verib. Onun dediklərinə görə, bu nəslin Darvazda ilk nümayəndələri kimi bilinən SALMAN Qars vilayətindən gəliblər. Bu gün Darvazda Salmanlı yaxud Salman öyü kimi tanınan bu nəsil Salmanın törəmələridirlər. Hazırda bir neçə soyadı daşıyırlar: Salmanov, Əliyev, Vəliyev.

Salmanın ZAMAN adlı bir qardaşı da olub ki, o, Türkiyədə qalıb. Onun törəmələri hazırda Türkiyənin Ərdahan vilayətində, Çıldıra bağlı Ağçaqala kəndində yaşayır və Zamanoğluları kimi tanınırlar.

 Siyahı Darvaz orta məktəbinin arxivindən – məzunlara attestatların verilməsi barədə qeydlərin aparıldığı jurnaldan götürülüb. Bu səbəbdən də burada yanlışlıq olması mümkünsüzdür. Əgər təsadüfən kiminsə adında, soyadında, atasının adında və ya doğum tarixində yanlışlıq varsa, xahiş edirik ki, bizə xəbər verin. Mümkün ola biləcək yanlışlıqlar da bizdən asılı səbəblərdən deyil. Çünki biz məktəbdən götürdüyümüz siyahını necə var, eləcə də burda veririk.

Hələlik 1963-cü ildən bu yana olan məzunların siyahısını əldə edə bilmişik. 

Siyahının əldə edilməsi üçün yaratdıqları şəraitə görə Darvaz orta məktəbinin direktoru Müseyib Qəmbərova və məktəbin dərs hissə müdiri Raqif Əhmədova minnətdarlığımızı bildiririk.