Hüsniyyə Mədət qızı Çobanova 1971-ci il mayın 18-də Bolnisi rayonunun Darvaz kəndində tanınmış dilçi alim, filologiya elmləri doktoru, professor Mədət Çobanovun ailəsində dünyaya gəlib.  

1978-ci ildə Darvaz orta məktəbinin 1-ci sinfinə daxil olan Hüsniyyə Mədəd qızı 1988-ci ildə Tbilisi şəhərindəki M.F.Axundov adına 73 nömrəli Azərbaycan orta məktəbini bitirib və həmin ildə də Tbilisi Dövlət Pedaqoji Universitetinin filologiya fakültəsinə daxil olub. 1993-cü ildə həmin ali məktəbdə təhsilini fərqlənmə diplomu ilə başa vurub.

1993-cü ilin sentyabr ayında Bakı şəhəri Xətai rayonu 24 nömrəli orta məktəbində pedaqoji fəaliyyətə başlayan Hüsniyyə Mədət qızı 2007-ci ilin fevral ayından Heydər Əliyev adına Azərbaycan Ali Hərbi Məktəbində Humanitar və Sosial fənlər kafedrasında müəllim kimi çalışmağa başlayıb, hazırda kafedranın baş müəllimidir. 

H.Çobanova 2014-cü ildə Azərbaycan Milli Elmlər Akademiyasının Nəsimi adına Dilçilik İnstitutunda doktoranturaya daxil olub.

İndiyədək üç metodik vəsait, 1 dərslik proqramı tərtib edib, 25-dək elmi məqaləsi, dissertasiya ilə bağlı isə 12 məqaləsi respublikamızda və xaricdə, AAK-ın tələblərinə cavab verən elmi jurnallarda işıq üzü görüb, respublika konfranslarında, Azərbaycanda keçirilən Beynəlxalq konfranslarda, eləcə də xarici ölkələrdə Beynəlxalq konfrans materialları jurnallarında  çap olunub.

 Hüsniyyə xanımı bu böyük uğuru münasibəti ilə darvaz.com olaraq bütün eloğlularımızın adından təbrik edir, şəxsi həyatında və elmi-pedaqoji fəaliyyətində yeni-yeni uğurlar arzulayırıq!

Elşad Çobanlı