Rizvan İlyas oğlu Əliyev 1948-ci ildə Bolnisi rayonunun Darvaz kəndində ziyalı ailəsində anadan olmuşdur. O, Darvaz orta məktəbini bitirmiş, sonra təhsilini Bakıda – Azərbaycan Xalq Təsərrüfatı İnstitutunda davam etdirmişdir. Həmin institutun əmtəəşünaslıq fakültəsini bitirən R.Əliyev bir müddət Bakıda ixtisası üzrə çalışmış, sonra isə Borçalıya qayıdaraq əmək fəaliyyətini burada davam etdirmişdir.

Nizami Ənvər oğlu Aşurov 1945-ci ildə Bolnisi rayonunun Darvaz kəndində ziyalı ailəsində anadan olmuşdur, burada orta təhsil almışdır. O, 1961-ci ildə Bakı Rabitə Texnikumuna daxil olmuş, 1963-cü ildə oranı bitirmişdir. Texnikumu bitirdikdən sonra Akstafada öz ixtisası üzrə işə başlamış, 8 ay burada çalışdıqdan sonra hərbi xidmətə çağırılmışdır. Üç il yarım orduda serjant rütbəsində xidmət etdikdən sonra doğma Borçalıya qayıtmış və Darvaz kənd rabitə şöbəsinin rəisi vəzifəsində əmək fəaliyyətini davam etdirmişdir.

Vaqif Müsəlli oğlu Bayramov 1959-cu il dekabr ayının 21-də Bolnisi rayonundakı Darvaz kəndində anadan olmuşdur.

O, 1966-cı ildə Darvaz orta məktəbinin birinci sinfinə daxil olmuş, 1976-cı ildə həmin məktəbi bitirmişdir.

Mais Süleyman oğlu Salmanov 1954-cü il may ayının 21-də Bolnisi rayonunun Darvaz kəndində anadan olmuşdur. 1961-ci ildə Darvaz kənd orta məktəbinin 1-ci sinfinə getmiş, 1971-ci ildə həmin məktəbi bitirmişdir.

İman Musa oğlu Əliyev 1938-ci ildə Lüksemburq (indiki Bolnisi) rayonunun Darvaz kəndində anadan olmuşdur. O, 1946-cı ildə Darvaz orta məktəbinin birinci sinfinə daxil olmuş, həmin məktəbi bitirdikdən sonra hərbi xidmətə çağırılmışdır.

Rasim Bilal oğlu Şahbazov 1964-cü il fevarlın 15-də Bolnisi rayonunun Dəmirli kəndində müəllim ailəsində anadan olmuşdur. O, 1981-ci ildə Darvaz orta məktəbini bitirmiş bir il sürücülük məktəbində oxuduqdan sonra 1982-ci ilin payızında ordu sıralarına çağırılmış, Pribaltika hərbi dairəsində hərbi xidmətdə olmuşdur.

Tofiq Bilal oğlu Şahbazov 1950-ci il iyun ayının 17-də Bolnisi rayonunun Dəmirli kəndində müəllim ailəsində anadan olmuşdur. O, 1961-ci ildə Dəmirli kəndindəki ibtidai məktəbi, 1967-ci ildə isə Darvaz orta məktəbini bitirmişdir. 1968-ci ildə sürücülük məktəbində oxuduqdan sonra Rustavi şəhərindəki 6 saylı avtomobil kolonasında sürücü kimi əmək fəaliyyətinə başlamışdır.

Hacıməmməd Qurban oğlu Hacıyev 1926-cı ildə Lüksemburq (indiki Bolnisi) rayonunun Darvaz kəndində anadan olmuşdur. O, Darvaz kəndində ibtidai və natamam orta təhsil aldıqdan sonra 1939-cu ildə Başkeçid Pedaqoji texnikumuna daxil olmuşdur.

Alı Qurban oğlu Orduxanov 1927-ci ildə Lüksemburq (Bolnisi) rayonunun Darvaz kəndində anadan olmuşdur. O, 1934-cü ildə Darvaz orta məktəbinin birinci sinfinə getmiş və 1944-cü ildə həmin məktəbi bitirmişdir.

Ənvər Məhərrəm oğlu Allahverdiyev 1927-ci ildə Lüksemburq (Bolnisi) rayonunun Darvaz kəndində anadan olmuşdur. 1934-cü ildə həmin kənddəki orta məktəbin birinci sinfinə daxil olmuş, 1944-cü ildə onuncu sinfi bitirmişdir. Elə həmin ilin yayında Gürcüstan Maarif Nazirliyinin Başkeçiddə təşkil etdiyi pedaqoji kursda oxuyaraq Darvaz orta məktəbində müəllim kimi əmək fəaliyyətinə başlamışdır.